El mio can, el mio gato, el mio ponaro

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
El mio can, el mio gato, el mio ponaro
XIX secolo
Edission e fonte ▼

[p. 453 modifica]

El mio can, el mio gato, el mio ponaro,
     I mii ritrati, la mia libraria,
     I mii scriti in vernacola poesia,
     4De la vita me fa dolce l'amaro.

De amici un grumo assae me tegno caro,
     Che vien spesso a trovarme a casa mia,
     Che mi trato a la bona, e in cortesia
     8Tanto se i ga la spada, che el tabaro.

Cussì da sempio, come che i me crede,
     Passo i mii zorni sempre alegramente
     11Da cristian mantegnindo la mia fede,

E qualche rara volta fra la zente
     Vestio da festa, o in arme, se me vede
     14A rider dei sapienti, e a no dir gnente.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_mio_can,_el_mio_gato,_el_mio_ponaro&oldid=47821"