El matrimonio disgrazià

by Felice di Giuseppe Venezian

4 El matrimonio disgrazià Felice di Giuseppe Venezian XIX Canzonete triestin

Indice:Trieste vernacola.djvu

Felice di Giuseppe Venezian

El matrimonio disgrazià

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL MATRIMONIO DISGRAZIÀ

Me scampa la pazienza,
No se pol esser santi,
Se tiro un poco avanti
Finisco col s'ciopar.¹

Sta baba² dispetosa
Xe sempre in tuna guera,
La pesca soto tera
Ragion per tarocar.³

     A cavarmela ala svelta
     Chi me insegna in carità?
     Tuto l'oro che xe al mondo
     Per godèr la libertà!

Za prima che spuntasse
1 denti del giudizio
Son corso al precipizio,
Me son incadenà.

Volevo far el furbo,
Drizzarme un fià le coste;⁴
I conti senza l'oste
Go fato. Ben me stà.

     A cavarmela ala svelta
     Chi me insegna in carità?
     Tuto l'oro che xe al mondo
     Per godèr la libertà!

Coi fioi,⁵ go mile intrighi,
Per sparagnar⁶ parole
Li tegno nele scole
A forza de sudor.

A nozze contro genio
Ghe manca el fondamento,
Ghe vol per condimento
La droga de l'amor.

     A cavarmela ala svelta
     Chi me insegna in carità?
     Tuto l'oro che xe al mondo
     Per godèr la libertà!

Anche di questa canzonetta, che fu musicata dalla signorina Angelina Chiesa, è evidente l'allusione politica. Il matrimonio... disgrazià è quello di Trieste con l'Austria.

---

Note

1. s'ciopar, schiattare
2. baba, donna
3. tarocar, litigare, brontolare
4. un fià, un poco; drizzarme un fià le coste, rassettarmi un pochino.
5. fioi, figlioli
6. sparagnar, risparmiare.