El mar
|
Edission original: |
Molena Spinacarpio, Bordizàndo, rime veneziane, Venezia, 1903 |
|
Fonte: |
Indice:Spinacarpio Moléna, Bordizàndo, rime veneziane, Venezia, 1903.pdf |
| ← Afári veci | Edission e fonte ▼ | Stele cadenti → |
El mar.
La và, la và, la svelta naveséla
al mar sora del lisso azúro piàn,
ghe dixe l'orizonte: Vién quà, bela!
verzíndo i so' gran brassi da lontán.
La và, la và... la queta baveséla
la spenze sempre avanti man a man
co' basi e co' carezze ne la vela
e el çiél, che varda e tase, el fà 'l...indián.
Ma no fidarte, povara barchéta!
Dio vogia che in quel vero paradíso
no t'abia da tocár uguál disdéta
che ghe toca de spesso al nostro cuór:
dopo invidá co'l so più bel soríso,
lo sbrana quel birbante de l'Amór.