El lasagnon

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 55 modifica]
EL LASAGNON
(A UN CREDITOR)


     Beati i oci che se ga incontrà!....
Paron mio benedeto! Come vala?
La me conta, la diga: cossa fala
Che più no se la vede in società?
     E siora Menegheta come stala?
I so fioleti? Quanti la ghe n’à?
So fiastro Momi s’alo maridà?
Montelo sempre quela so cavala?
     A proposito.... (bestia buzarona),
Devo torghe un paleheto al principal;
Xe mezozorno tanto che no 'l sona.
     Se ghe torno a man vode el me bastona.
La reverisso in furia, sior Pasqual....
I mii doveri eo la so parona.
     — E facendo un profondo complimento,
Co i so ciceri ciaceri sto sior
El lassa a boca averta el creditor.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_lasagnon&oldid=71113"