Dove, che staga Dìo, a contemplando
1789
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
Fonte: |
Indice:Raccolta universale delle opere di Giorgio Baffo 4.djvu |
← O che no ghè più gnente all'altro Mondo | Edission e fonte ▼ | Delle gran opinion, che ghe xe stà → |
Dove, che staga Dìo, a contemplando
Mi vago a parte a parte 'l Mondo tutto,
Vardo, se'l sia in tel fior, se'l sia in tel frutto,
4O sora 'l Mar el vaga spassizando,
Se frà i spazzj dell'Aria 'l và vagando,
Se'l sia in te l'Omo, oppur el sia nel Brutto,
S'in tel umido 'l sia, se 'l sia nel sutto,
8A tutto quel, che vedo, ghe domando.
Domando al Sol, ch'illumina la zente,
Ghe domando alla Luna inarzentada,
11E a tante Stelle, ma gnessun sà gnente;
Ma mi credo d'averla indovinada:
No xe felice Dìo perfettamente?
14Co l'è cussì, lù stà in te la sborada.