Do corpi e un'anima
|
Edission original: |
Molena Spinacarpio, Bordizàndo, rime veneziane, Venezia, 1903 |
|
Fonte: |
Indice:Spinacarpio Moléna, Bordizàndo, rime veneziane, Venezia, 1903.pdf |
| ← Venezia in tochi | Edission e fonte ▼ | La riflessión de Sior Momi → |
Do corpi e un'anima,
ossia la quadratura del çircolo
Ve lagne che mai d'acórdo
vu no se' co' la mugér:
mi ò provà, l'ò trovà façile,
e v'insegnarò el mestiér.
Stemo a casa, mi ghe digo
co' go vogia d'ándar vía;
Viéstu fora, o da l'amigo,
co' star vogio a casa mía.
Che no posso più dal sono
co' go vogia de stár suzo,
e vía vía... Proprio el contrario
ela vol, e la fà el muso:
e mi çedo, e cussí femo
tuti dô quel che volemo.