Disgrazie de' Maritati (1817)

by Giovanni Pozzobon

3 Disgrazie de' Maritati Giovanni Pozzobon XVIII Soneti

Indice:Collezione delle migliori opere scritte in dialetto veneziano 12.djvu

Giovanni Pozzobon

Disgrazie de' Maritati

XVIII secolo

Edission original:	Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 12.djvu

Edission e fonte ▼

DISGRAZIE DE' MARITATI

Se tuto quel che se razira in mente
     Un povero ragazzo inamorà
     Sul fior de la passion fervida, ardente
     4El sucedesse co' l'è maridà;

Che val a dir (per dirla brevemente)
     Gioje, delizie, pase, fedeltà,
     Mo alora el maridarse certamente
     8La saràve una gran felicità!

Ma che? spesso intravien nel Matrimonio
     Giusto de quel che no se pensa mai;
     11Desgrazie, malatìe, torti, despeti;

E alora in mezo a tante beghe e guai,
     E la so coda metendoghe el Demonio,
     14L'è un viver da sassini maledeti;
                    Onde sia benedeti
     Chi no s'intriga, che a la fin dir sento,
     17Che la Mugier xe a l'omo un gran tormento.