Cuor de plebe

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
XX. Cuor de plebe
1892

 Edission original:   

Attilio SarfattiLe Rime Veneziane e Il Minuetto, Milano, Fratelli Treves Editori, 1892

 Fonte:

Indice:Le Rime Veneziane e Il Minuetto.djvu

←  XIX. A una morta Edission e fonte ▼ XXI. Primavera e aurora  →
[p. 97 modifica]
XX.


CUOR DE PLEBE


— Bela fia del nostro popolo,
Alta, drita, ben tressada,
Co te incontro per la strada,
4Me se infiama testa e cuor

I caveli d'oro in ordene
Rancurai coi fiori in banda,
L'ocio too che ragi manda,
8La to boca, nìo d'amor,

Le to spale, el pèto candido,
Me rapisse, me inamora,
Za la freve me divora,
12Note e zorno penso a ti.

[p. 98 modifica]


Vien co' mi; regali splendidi
Te farò d'oro e d'arzento,
Tolme, Cate, a sto tormento,
16Bela Cate, vien co' mi.

— Caro sior, de le so frotole
Son za stufa, son secada;
Caro sior l'à falà strada,
20Toni solo xe 'l mio amor.

Toni solo, quel bel zovene
Che sta in pope come un dio,
Mile tose da marìo
24Me lo invidia e lo ga in cuor.

Col mio Toni onesta e povara
Vogio star fin a la morte,
Trista o alegra la mia sorte,
28Toni solo vogio amar.

— Oro e arzento e zogie splendide
Te darò, belezza rara,
Zorni tristi, vita amara,
32Te farìa Toni passar.

[p. 99 modifica]


De brocato e seda l'abito
Te farò secondo el gusto,
Sto qua in tela xe ormai frusto,
36L'è smarìo, nol te va ben.

— Caro sior, xe tuto inutile,
Toni solo el cuor m'infiama;
Tela o drapi da gran dama,
40Bate istesso el cuor in sen.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Cuor_de_plebe&oldid=41533"