Confession

by Attilio Sarfatti

3 VI. Confession Rime veneziane Libro Secondo V. Monologo de Pantalon VII. Fiori e amor Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Secondo

VI. Confession

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  V. Monologo de Pantalon

Edission e fonte ▼

VII. Fiori e amor  →

VI.

CONFESSION

Nina, vogio contartela,
Nina, so inamorà.
No magno più, son palido,
4Magro da far pietà.

So inamorà de un anzolo,
De un cherubin, de un fior.
E me consumo in lagreme,
8E me torturo el cuor.

Me par tuto ridicolo,
Tuto me fa penar.
El mondo un gran zogatolo,
12E bruto el sol me par.

Me dà fastidio i soliti
Amiçi, el bon umor
De çerta zente stupida,
16Che vive senza amor.

E ziro malinconico
Su e zo per la çità,
Che un dì m'à parso splendida,
20Che l'estro m'à ispirà.

Ziro, ma çerco inutili
Conforti, se quel fior,
Quel cherubin, quel'anzolo,
24Xe sordo al mio dolor.

Nina, guarirme subito
No pol altro che un sì.
Verzi i bei lavri e dimelo...
28L'anzolo ti xe ti.