Casson xe Bonbon!

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 49 modifica]


Casson xe Bonbon!


     Nina, mi solo scoltime
Spalanca ben la recia,
E serila ale prediche
Che te farà la veda,
Co ela iera giovine
Te credi forse ti
Che in carneval in maschera
No la s’à divertì?

          Lassù al Politeama
          Andemose a blangiar,
          A costo che tu mama
          Te gabi de refar...
          Ah! Ah! Ghe disi el popolo
          Andemo su in casson,
          Casson?... va ben, ciamemolo,
          Ma inveze el xe un bonbon.

     Rifilime un garofolo
Se mi te toco un deo,
E se la vecia brontola
Ti faghe marameo;

[p. 50 modifica]

Za el cor me salta e sbisiga
Co penso de balar...
Dai, negra mia, distrighite
No stame far rabiar!

          Lassù al Politeama, ecc.

     Voio saltar, blangiarmela
I corni farghe al leto,
E in qualche polca celere
Petarte un bel baseto,
E la matina in cinberli
Darghe un’adio al casson,
E, che lavori l’orso,
Par mi vado a paion.

           Lassù al Politeama, ecc.










Musica del maestro M. Chiesa.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Casson_xe_Bonbon!&oldid=69347"