Canzonetta liberissima per musica

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
Canzonetta liberissima per musica
1823
←  Sborio Conzaor de pote Edission e fonte ▼ Lamentazione al Prefetto Galvagna pel Blocco di Venezia  →
[p. 16 modifica]
CANZONETTA LIBERISSIMA PER MUSICA


» No tirarte tanto indrio,
     » La mia cara Catineta
     « No me far la ritroseta
     « Che son dreto del mestier.
M'à parlà de la to mona
     Sastu chi? quel bardasson
     Voltà subito el canton
     Giacometo peruchier.
Se vedessi, el me diseva,
     La xè fata col penelo
     La xè fata per l'oselo
     Una Venere la xè.
O che ochi! o che dentini!
     O che lavri! o che bocheta!
     O che bela fossoleta
     Sul barbuzzo ghe trovè!
Soto i brazzi fati a torno
     Longhi e folti la gà i peli,
     Negri come i so caveli,
     Ne i ghe spuzza da suor.
Sbalza fora dal so peto
     Dure dure, e molesine
     Do bianchissime tetine
     Col so brufolo d'amor.
La so panza fata in arco
     La se merita un baseto,
     El più bel bonigoleto
     Starghe in mezzo ghe vedè.

[p. 17 modifica]

I so fianchi morbidissimi
     Ve prepara a do culate
     Da far gola a qualche frate
     Diletante de bombe.
Ma chi pol tegnir el cazzo
     Co se vede quel selvoso
     Petenichio lusurioso
     Tanto caro da palpar?
Mi che son piutosto mato
     De la coca su l'ombrela
     M'ò volesto la capela
     Per preambolo sfregar.
Ne contento de sto spasso
     Co do dei gò averto el buso
     E col naso proprio suso
     Gò la mona contemplà.
E se vù no fessi chiacole
     Ve diria che a la nasada
     Furibondo una licada
     No sò come gò zontà.
Ma chi pol descriver l'anima
     De culìa co la ghe tira,
     E che el cazzo che la impira
     La se sente andar su e zò.
La ve basa, la ve strenze,
     La ve dà la lengua in boca,
     La ve parla co la coca
     La va tuta in squaquacchiò.
Vogio dir che apena averta
     Gò del cazzo la botega
     Ò credesto chè el se nega
     Dei so nini dentro el mar.

[p. 18 modifica]

Senti senti, la zigava,
     Giacometo vado in brodo,
     Spenzi pur che me la godo
     Fame l'anema sborar.
O Dio caro quanti nini?
     Ghe ne sboro una mastela
     Basa pur la to putela
     Benedeto sto pipì!
Ma no basta, con un deo
     El mio caro Giacometo
     Sfrega el buso del culeto,
     Che l'istesso farò mì.
A sto passo furibonda
     La menava culo e mona,
     O che brava buzarona!
     O che gusto! o che piacer!
» No tirarte tanto in drio
     » La mia cara Catineta
     » No me far la ritroseta,
     » Che son dreto del mistier.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Canzonetta_liberissima_per_musica&oldid=58205"