Bruta ma furba
Vai alla navigazione
Vai alla ricerca
|
Edission original: |
Carlo Rumor, Chi le conta xe qua, Stab. tip. G. & G. Scarabellin, 1904 |
|
Fonte: |
| Edission e fonte ▼ |
So picola e bruta,
le gambe go storte,
so seca incandìa,
4che paro la morte;
la çiera xe verde,
i oci da gato,
la goba davanti
8mia mare m'ha fato;
go i brazzi che ariva
perfin ai zenoci,
go pochi cavei
12co tanti peoci;
so tuta coverta
de bruschi e de rogna,
go 'l naso che manda
16l’odor de una fogna...
e pur ghe xe un toso
de mi inamorà,
e, çerto, tra poco,
20el me sposarà.
Saveu mo el motivo
de tuto sto amor?
Perché go mio barba
24ch'el crede signor.
Ma po, co sto toso
m'ha belo e sposà,
mio barba ritorna
28un gran desparà:
cussì me so messa
co tuti d'acordo,
perché resta in trapola
32el povaro tordo.