Barcarola (Augusto Levi)

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

[p. 52 modifica]


Barcarola


     Xe presto note — note serena
Spunta la luna — la luna piena,
Varda le stele — par de brilanti
Coi ragi de oro ― le parla al cor.
Note de amanti — note de amor

          Careze e palpiti
          Ga el mar stasera,
          Par che sia musica
          Ala riviera,
          Senti sta arieta
          Consola el cor,
          Nela barcheta,
          Vien far l'amor.

     In mezo le onde se godaremo,
E dondolandose — l’amor faremo,
Po a fondo l'ancora — boca con boca,
Solo de basi — vivi l’amor
E s’cioca, s’cioca — Che i vien dal cor.

          Careze e palpiti, ecc.

[p. 53 modifica]


     In ciel, tesoro — brila le stele,
Le inamorade — xe le più bele,
Co ti me basi — come una stela
Credime bionda — ti ga el splendor,
Perchè più bela — te fa l’amor.

          Careze e palpiti, ecc.









Musica del maestro Arturo Carisi.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Barcarola_(Augusto_Levi)&oldid=69355"