Aneme grame, cuori inamorai

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
[p. 15 modifica]
I


Aneme grame, cuori inamorai,
     Che pur tropo tantisimi sarè;
     Al bruto passo che son mi, se mai
     4A lezer sti Soneti ve imbatè;

Quel che ò patìo de strazzacuori e guai
     Per amor de una Coa co' sentirè,
     So ben che da pietà mossi e tocai
     8Me darè fede e me compianzerè.

Nè esaminando quai sia bei, quai bruti,
     La passion e 'l dolor scusando in mi,
     11Ghe donerè compatimento a tuti.

Chi scrive adolorà no bada a franze;
     E po no serve dir de più, che chi
     14Vien dal morto sa come che se pianze.