Amor, che stastu à far, orbo, zuetta

Da Wikisource
Jump to navigation Jump to search

EPUB silk icon.svg EPUB  Mobi icon.svg MOBI  Pdf by mimooh.svg PDF  Farm-Fresh file extension rtf.png RTF  Text-txt.svg TXT
75%.svg
Qualità del testo: sto testo el xe conpleto, ma el gà ancora da vegner rileto.
←  No posso far o bianca colombina Edission e fonte ▼ È possibel ch'Amor non'habbia fame?  →
[p. 83 modifica]
CAPITOLO SECONDO.


Amor, che stastu à far, orbo, zuetta,
     Che ti no corri presto con l'archeto,
     E mazzar sta poltrona maladetta.
Credo, che ti ha paura povereto,
     E puo ti bravi con quest', e con quelo,
     che la to vita, no val un marcheto,
Ti priego va in mal'hora suso'n cielo,
     No m'intrigar à far la mia vendeta,
     Contra sta cagna, che me da martelo,
A dolorosa, trista, derelita,
     Che tante volte ti m'ha dao parole,
     Quando ti gieri al balcon de sofita.
Ti m'ha struchao in tei occhi cevole,
     E puo ficao scalognete in gola,
     In cambio de riose, e de viole.
Almanco te tochass'io la man sola,
     E fa puo del mio cuor tripe, e soffrito,
     E del mio corpo taia una bresiola.
El savio dise ben, come xe scrito,
     No t'infidar de femena barbua.
     Ch'inganeria un dottor, anche un remito:
D'instae l'è fredde, e d'inverno le sua.