Altri canta le Furie de Bellona
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo I, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 1.djvu |
| ← Mi dedico ste mie composizion | Edission e fonte ▼ | Se ghe fusse qualcun, che dei stupori → |
Altri canta le Furie de Bellona,
Altri le azion dei Cavalieri Erranti,
Altri i casi, e i sospiri dei Amanti,
4Mi voi cantar le glorie della Mona.
Dove se puol trovar più bella, e bona
Materia, che interessi tutti quanti?
Scriver sulla Moral dei Padri Santi
8L'è un seccar i Cogioni a ogni persona.
Voi donca, che sia questa la mia meta,
E metter mi la voggio ai sette Cieli,
11Come una cosa santa, e benedeta:
Invido donca tutti quanti queli,
Che ghe piase la Mona netta, e schieta
A sentir la virtù sin dei so peli.
15Ai Spiriti più beli
Spero, ch'abbia da piaser sta fattura,
Perchè tutta la xe sulla Natura;
18Se sà, ch'ogni Creatura
Gà una diversa forma de pensar,
Ma tutti pò se accorda in tel chiavar;
21Se andaremo a viazar
Vedaremo infinite variazion
D'Abiti, de Costumi, e Religion,
24Che l'è una compassion.
Chi magna el Pan a Corni, e chi'l Pan tondo,
26Ma alfin la Mona piase a tutto'l Mondo.