Ala contessa Giustina

by Attilio Sarfatti

3 XII. Ala contessa Giustina Rime veneziane Libro Secondo XI. Ruit hora XIII. Dona e Madona Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Secondo

XII. Ala contessa Giustina

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  XI. Ruit hora

Edission e fonte ▼

XIII. Dona e Madona  →

XII.

ALA CONTESSA GIUSTINA

Vive ancora ne la storia
La memoria
De le bele zentildone,
De le care vostre none,
Che ne 'l secolo passà,
Col morbin e co' l'inzegno
7Dava lustro a la çità.

Quanta vita, che delizie
De patrizie,
Che festini, che çenete,
Che tesori de donete,
Che zornae de bon umor!
Sta Venezia gera el regno
14De la pase e de l'amor.

Qua i foresti, d'ogni parte,
Qua fra l'arte,
Che par nata e coltivada
Da per tuto, in ogni strada,
Se vegniva a consolar.
Le sirene qua ghe gera,
21Le adorae ninfe de 'l mar.

De quei dì, Contessa bela,
Qualche stela
Sluse ancora in ste contrae,
Serie e triste diventae,
Spunta ancora qualche fior.
Vu, bel fior de primavera,
28Pien de vita e de candor.