Ai Coniugi Giovio

by Pietro Buratti

3 Ai Coniugi Giovio Pietro Buratti 1817 XIX Canzonete Indice:Collezione delle migliori opere scritte in dialetto veneziano 8.djvu

Varda anca Il bouquet de Nicolò Priuli

Pietro Buratti

Ai Coniugi Giovio

1817

Edission original:	Collezione delle migliori opere scritte in dialetto veneziano, Volume ottavo: Poesie di Pietro Buratti, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Collezione delle migliori opere scritte in dialetto veneziano 8.djvu

Edission e fonte ▼

Varda anca Il bouquet de Nicolò Priuli

AI
CONIUGI GIOVIO
NELL'ATTO DI PARTIR PER MILANO

CANZONE

Pindarum quisque studet emulari.
Oraz.

Dito à un zorno Orazio Flaco:
     No pol esser che un macaco
     3Chi vol Pindaro emular;
Del Dedaleo zovenoto
     El destin a tuti noto
     6L'è sicuro de incontrar.
Ma del morto, con permesso,
     No go cuor de dir l'istesso,
     9Mio Casteli, in fazza a ti.¹
Dopo l'Ode spiritosa,
     Che al poeta de Venosa
     12Gaverìa costa dei dì.
Xe Casteli un mongibelo
     Col se sente nel cervelo

     15I so vovi sbazzegar;
Go l'è in moto, co l'è in balo;
     Per lu poco xe un cavalo;
     18Co do Pegasi el va su.
I poledri buta bava,
     Ma de ambrosia co la fava
     21Sempre alegri el li mantien,
Nè pericolo gh'è mai
     Che corendo desperai
     24I ghe toga e man e fren.
A l'Adriaco Automedonte
     Deve ognun sbassar la fronte,
     27Che un più bravo no se dà.
Sul to Ino, o Teresina,
     Anca i posteri, divina,
     30E imortal te adorerà.
Ma se al merito sublime
     Aspirar no pol le rime
     33D'un poeta dozinal,
Devio mo cazzarme in rio
     Senza darghe un qualche adio
     36A la copia coniugal?
Za per Giovio, onor de Pindo,
     El fantastico Labindo²
     39Novi serti ga in cantier.
Vetoreto, pien de fiori,³

     Con patetici colori
     42Darà prove de mistier.
Da i so longhi e cari afani
     L'avocato Mantovani
     45Vederemo respirar;
Anca el nostro Farmacopola⁴
     Al mestier darà una scopola
     48Per Teresa celebrar,
Chi à descrito el Ponte roto⁵
     Spogierà quel so coroto
     51Per le rose de l'amor;
E l'eroe che vien dal fredo⁶
     A i trionfi de Gofredo
     54Unirà quei de cantor;
Le minacie d'un mal cronico
     Col favor de qualche tonico
     57Streffi intanto sfanterà;⁷
E su quel che sarà in moda
     La vernacola mia broda
     60Nove buzere dirà.

---

Note a cura de Bartolommeo Gamba (1817)

1. Spiridione Castelli che s'era distinto nell'occasione medesima con una bellissima Ode.
2. Lo stesso Castelli.
3. Il N. U. Vittore Benzon.
4. Giuseppe Ancillo Chimico Farmacista e poeta vernacolo.
5. Giuseppe Bombardini, nome caro alle Muse, e che ha mirabilmente descritto l'incendio del Ponte di Bassano sua patria.
6. Il Cav. Menegaldo seguace di Marte e di Apollo.
7. Streffi gentile poeta berniesco.