A nome dei parrochiani per la elezione di don Giovanni Cao

by Emanuele Cicogna

3 A nome dei parrochiani per la elezione di don Giovanni Cao Emanuele Cicogna XIX soneti

Indice:Raccolta di poesie in dialetto veneziano 1845.djvu

Emanuele Cicogna

A nome dei parrochiani per la elezione di don Giovanni Cao

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

A NOME DEI PARROCHIANI

PER LA ELEZIONE

DI DON GIOVANNI CAO

a Piovano di san Zaccaria di Venezia.

Eleto xe piovan don Zuanne Cao
     Anagrama purissimo de coa:
     E infati de nu tuti lu xe cao,
     4Che drio ghe andemo come agnele in coa.

Poco à mancà che un altro fusse cao
     E Cao dasseno deventasse coa:
     Tanto gera el concorso da ogni cao
     8De chi voleva meterghe la coa.

Ma no i à podesto vegnirghene a cao:
     I à fato fiasco; i ga sbassà la coa,
     11E no ghe resta che tornar da cao.

Cussì à volesto chi xe Cao e Coa;
     Quel Dio che umilia chi va tropo in cao,
     14Quel Dio che esalta chi se mete in coa.