A Venezia (1849)

by anonimo

3 A Venezia anonimo circa febraro 1849 XIX Poesie Indice:La gloriosa epopea.djvu

Canto patriotico scrito durante l'insuression de Venexia contro i Austriaci del 1848-49, publicà anonimo (N.d.R.)

Anonimo

A Venezia

circa febraro 1849

Edission original:	La gloriosa epopea, MDCCCXLVIII-MDCCCXLIX, nei canti politici dei poeti contemporanei e del popolo d'Italia, a cura de Angelo Lanzerotti, Venezia, C. Ferrari, 1886
Fonte:	Indice:La gloriosa epopea.djvu

Edission e fonte ▼

Canto patriotico scrito durante l'insuression de Venexia contro i Austriaci del 1848-49, publicà anonimo (N.d.R.)

A VENEZIA

Venezia, che ai barbari
Nemiga cressua,
E dopo da perfida
4Marmagia vendua,

Ti xe per miracolo
Tornada parona;
Via movite e mostrighe
8A chi te minchiona:

Ai barbari mostrighe
Che in ti no languisse
El brazzo magnanimo
12Ma ancora el ferisce.

Finora a le trapole
Ti xe scapolada:
Conservite in seguito
16Atenta e svegiada.

E ascolta el consegio
Che darte te vol
Un fio che te venera,
20Un to barcariol.

— Se a caso un gran refolo
De vento supiasse,
E 'l remo o la forcola
24In tochi el butasse,

De dar manazzandoghe
Sul felze una spenta,
De quele che in aqua
28De vinzer se stenta;

(Savendo a la gondola
Che 'l felze el dà impazzo,
Se el mar cazza i refoli
32De un forte ventazzo;)

Sto felze el sacrifica,
Siben che ghe dol,
In aqua butandolo,
36El bon barcariol. —