Ventiquattro Odi Scelte di Orazio Flacco/16

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.

 Edission original:   

Bartolommeo GambaSerie degli scritti impressi in dialetto veneziano, compilata ed illustrata da Bartolommeo Gamba, giuntevi alcune odi di Orazio tradotte da Pietro Bussolin, Venezia, dalla tipografia di Alvisopoli, 1832

 Fonte:

Indice:Serie degli scritti impressi in dialetto veneziano.djvu

←  EPODO III. Edission e fonte ▼ EPODO X. LIBRO V.  →
[p. 254 modifica]
Ode XI. Libro I.

Tu ne quaesieris scire (nefas) quem mihi, quem tibi
Finem dii dederint, Leuconoe, nec Babylonios.


Tolendo motivo da la brevità de la vita umana, Orazio esorta Leuconoe a viver contenta de quel che la gà, e a no cruciarse per quel che pol suceder in seguito.


No tentar de saver, la mia Leuconöe
(Cosse che a scaturirle xè impossibile),

[p. 255 modifica]

Qual sarà 'l to' destin, qual el mio termine,
Come, una volta, i fava in Babilonïa.1
5Xè molto megio, e quanto megio!, credime,
L'adatarse e sofrir quel che ne capita,
Sia che de i molti inverni Giove el Massimo
Ne vògia quà lassar, sia ch'el sia l'ultimo
Questo, che spenze el mar toscan con furia
10Contra quei scogi a indebolirli e a franzerli.
Sii savia, trà del vin, ma del più limpido,
E fà ch'el to' sperar no sia longhissimo,
Posto ch'el viver xè cussì curtissimo!
E in fati: Nù parlemo, e lù, via subito;
15Donca el presente brinca, e al dì che seguita
No ghe pensar, nè staghe gnente a crederghe.



Note a cura de l'autor
  1. I Babilonesi giera assae dediti a la strologìa.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ventiquattro_Odi_Scelte_di_Orazio_Flacco/16&oldid=44718"