Troia xe andada in cenere, perchè Paride ingiusto

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Troia xe andada in cenere, perché Paride ingiusto
XVIII secolo

 Edission original:   

Giorgio Baffo, Poesie. A cura di Piero Del Negro. Mondadori, 1991

 Fonte:

Testo cartaceo

Edission e fonte ▼

Troia xe andada in cenere, perchè Paride ingiusto
el ga robbà una mona nel secolo vetusto,
onde per mar, per terra, tutta la terra accesa
4a difender s'ha messo la so monaria offesa.

Cussì el gran regno d'Asia xe stà tutto distrutto
e del so estremo eccidio xe stà la mona el frutto.
Cartagine ga perso tutto el Roman impero
8per una mona in Capua, che no valeva un zero.

E i so gran Re famosi Roma ga perso ancora
perchè Tarquinio in mona starghe ha voludo un'ora.
11L'illustre Marc'Antonio per la mona d'Egitto

nella battaglia a Leucade el xe restà sconfitto.
De molti altri spropositi xe sta causa la mona;
14ma cossa mai no fala sta brutta buzzarona?

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Troia_xe_andada_in_cenere,_perchè_Paride_ingiusto&oldid=45019"