32.
Al cassier la Cassa voda
Su l'istante ghe sia dà,
I registri e tuto el resto,
4Statu quo ghe sia lassà
In compenso dei so meriti,
In famegia fe ch'el resta,
Ma vardè che nol ve scampa,
8Fe ligarlo, ma a la presta.
L'è sta sempre un galantomo,
La sarave una rovina,
El xe bravo, le gran man!
12Le ga sù la trementina.
33.
Quela Vale che in Moscovia
Se va a cazza de tabari
Ghe la lasso in facoltà
4A quei Zoveni bizzari
Che vol far da cazzadori,
Co un bel bosco per aguato,
Che co un schiopo in te le man
8Se pol far quel che va fato;
Quel Canal che go in Dalmazia
Anca quelo ghe sia dà,
Perchè prima de morir
12Che i la vaga a finir là.
