Pagina:Ultima volontà de sior Tonin Bonagrazia.djvu/24

Da Wikisource
Va a: navigasion, serca
75%.svg
Sta pagina la xe stà trascrita, ma la gà ancora da vegner rileta.



Per tor via l'inconveniente
De sentir quela secada,
De chi studia tra le case
12De qualunque sia contrada.

30.

I mii Coghi e Sotocoghi,
Anca lori compensai
Vòi che i sia, co del bon Lardo
4Ogni zorno percotai

Per l'imensa so bravura
De lassarme desunar,
Quando bezzi no ghe gera
8Per le spese del disnar.

31.

Al Fachin che xe in cusina
La Botega a Gambarare,
Quela Stala co do Vache,
4Dove drento gh'è so mare.

La botega xe inviada
D'un gran smercio de Buganze,
E l'Inverno de far bezzi
8Co sta roba ghe speranze.

De setembre se vendeva
De le piegore le lane,
E l'istà ghe gran consumo
12De riscaldi e de terzane.