Pagina:Ultima volontà de sior Tonin Bonagrazia.djvu/10

Da Wikisource
Va a: navigasion, serca
75%.svg
Sta pagina la xe stà trascrita, ma la gà ancora da vegner rileta.



Ghe regalo una Balanza,
Che la s'abia da pesar,
Se la cala, se la cresse,
8Co' ghe manca da magnar.

7.

A mie Nevode lasso
Le Case de campagna,
Come che le se trova,
4(Se 'l Lovo no le magna);

Perchè le xe de carta
De quela da Becheri,
Onte de fora via
8Col seo dei Fritoleri,

Lassandoghe 'l permesso
D'andar co' le vol fora,
Bele, col praticabile
12De soto e anca de sora.

8.

I quaranta Broli in sala,
Che racolte vien l'Ortighe,
Ghe li lasso a mie Zermane
4Che le serva le so amighe.

Che le fassa dei stramazzi,
Senza fodra, spetenai,
Che cussì le sente 'l gusto
8De trovarse al nuo butai.