Pagina:Marco e Tòdaro.djvu/61

Da Wikisource
Sta pagina la xe stà trascrita e rileta.


Mi vorave, per esempio,
Ringraziar la so pazienza,
Che per darne confidenza
32Ne ga i fali perdonà.

E prometar ghe vorave
Che un altr'ano, se ghe semo,
De far megio cercaremo
36Tuto quel che i ne dirà.

Ma per dir ste bele robe
No vorave po imbrogiarme;
Go paura de inzamparme,
40Go paura de far mal.

Sastu cossa? dame brazzo,
E cussì femose avanti;
Ringraziemo tuti quanti
44E po femo un prostinò.1

  1. Prostinò — voce entrata nel dialetto dalla lingua greca: ed equivale a riverenza, inchino.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Marco_e_Tòdaro.djvu/61&oldid=63459"