Pagina:Collezione delle migliori opere scritte in dialetto veneziano 10.djvu/19

Da Wikisource
Sta pagina la xe stà trascrita e rileta.
sullo squallore di venezia


Al Lustrissimo Sior..... con un Vascelo,
     Una volta diseva la mansion;
     Adesso: A so Zelenza co un Ceston
     4E un per de Caponere in t’un batelo.

Con manco scienza, ma con più cervelo
     Alora, oh se pareva assae più bon!
     Gera i palazzi le so abitazion,
     8Le xe adesso casete da bordelo.

Tuti i mercanti gera in Marzarìa;
     Da lane, d’ori, arzenti, merli e sede
     11La Cità tuta rica e ben fornìa;

Ancuo ste cosse più no le se vede,
     È vero; ma la testa xe guarìa
     14Da tuti i pregiudizj de la Fede.
              Adesso solerrata corrige originale se crede,
     Dai copi in suso, per Russò e Volter;
     17Dai copi in zo, per tanti che à da aver.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Collezione_delle_migliori_opere_scritte_in_dialetto_veneziano_10.djvu/19&oldid=65970"