La biondina in gondoleta

Da Wikisource
EPUB   MOBI   PDF   RTF   TXT
Qualità del testo: sto testo el xe stà trascrito e rileto.
[p. 20 modifica]
LA GONDOLETTA


La Biondina in gondoleta
    L'altra sera gò menà,
    Dal piacer la povereta
    4La s'à in bota indormenzà.
La dormiva su sto brazzo,
    Mi ogni tanto la svegiava;
    Ma la barca che ninava
    8La tornava a indormenzar.
Fra le nuvole la luna
    Gera in cielo meza sconta,
    Gera in calma la laguna,
    12Gera el vento bonazzà.
Una sola bavesèla
    Sventolava i so caveli,
    E faceva che dai veli
    16Sconto el sen no fusse più.
Contemplando fisso fisso
    Le fatezze del mio ben,

[p. 21 modifica]

    Quel viseto cussì slisso;
    20Quela boca e quel bel sen,
Me sentiva drento al peto
    Una smania, un missiamento;
    Una spezie de contento
    24Che no so come spiegar.
So' stà un pezzo rispetando
    Quel bel sono, e ò soportà,
    Benche Amor de quando in quando
    28El m'avesse assae tentà;
E ò provà a butarme zozo
    Là con ela a pian pianin;
    Ma col fogo da vicin
    32Chi averia da ripossar?
M'ò stufà po' finalmente
    De sto tanto so dormir,
    E gh'ò fato da insolente,
    36Nè m'ò avudo da pentir;
Perchè, oh Dio, che bele cosse
    Che gh'ò dito, e che gh'ò fato!
    No, mai più tanto beato
    40Ai me' zorni no son sta.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=La_biondina_in_gondoleta&oldid=43977"