Berenice, per quanto go sentìo

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 74 modifica]
LX


Berenice, per quanto go sentìo,
     A la mare d'Amor s'avea invodà,
     Se vincitor tornava so marìo,
     4De tagiarse la Coa tanto stimà.

Otegnùda la grazia, el zorno drio
     A desfar el so voto essendo andà,
     A l'altar de la Dea tuto fornìo
     8I so rari Cavei la ga tacà.

El dì dopo no s'à trovà più Coa...
     Bela per sbrio! Credeu che no capissa?
     11Venere se la ga zontà a la soa.

Vardete, Nina mia, tientela fissa,
     Che no ghe fazza vogia anca la toa,
     14Che fa el solo timor che sgangolissa.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Berenice,_per_quanto_go_sentìo&oldid=41339"