Avril!
|
Edission original: |
Gino Cucchetti, Spiere de Sol!, Roma, Tipografia Elzeviriana, 1905 |
|
Fonte: |
| ← Malinconie... | Edission e fonte ▼ | Primi zorni de otobre → |
AVRIL!
Xe qua l'avril, el dolçe avril fiorio,
el çielo par un çielo piturà,
viçin al mio balcon, drento d'un nio
4ghe canta un oseleto inamorà.
In alto, su l'altana, imbrilantà,
bate un sol pien de fogo e pien de brio;
sul piter, pena nato e incolorio
8cresse el primo fioreto profumà;
Adasio el salta fora e birichin
par ch'el saluda avril, sto mese belo,
11come un fio pien de grazia e de morbin...
Anca quà nel mio cuor cresse un fioreto,
ma el xe uno solo, sempre, sempre quelo,
14de tute le stagion fior benedeto!!...