Ancuò st'uso de Franza xe sortìo

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 172 modifica]
SORA LA MODA DEL CAVALCAR.


SONETTO


Ancuò st'uso de Franza xe sortìo,
    Ch'al par dei Cavalieri, e d'altra zente,
    Và le Donne a cavallo francamente
    4De trotto, e de galloppo, avanti, e in drìo.

Ma quel, che più me fà restar stupìo,
    Xe, che s'anca la viaza longamente
    Mai le prova un dolor, nè mai le sente,
    8Che la Natura soa gabbia patìo.

Mo come xela? Ch'a ste Donne mate
    Fiachezza el cavalcar no sà causarghe,
    11Quando a tanti ghe diol ossi, e Culate?

Altra rason per mi no sò trovarghe,
    Se nò questa; perchè le xe assuefate
    14A portar spesso le so gambe larghe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Ancuò_st%27uso_de_Franza_xe_sortìo&oldid=45601"