Almanco innanzi che me cazzé via

3 Almanco innanzi che me cazzé via (Venieresca IX) Canzoni e sonetti Venieresca VIII. Da un esercito estremo circondà Venieresca X. L'esser ti, co ti xe, senza cervello Maffio Venier XVI

soneti

Maffio Venier ― Canzoni e sonetti Almanco innanzi che me cazzé via (Venieresca IX) XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/xtf/view?docId=bibit001236/bibit001236.xml

← Venieresca VIII. Da un esercito estremo circondà

Venieresca X. L'esser ti, co ti xe, senza cervello →

Almanco innanzi che me cazzé via
Formé cinque o sie carte de processo,
E quando troveré che habbia commesso
Error, sia co 'l malan che Dio me dia.

E no zurarme d'esser tutta mia.
E quando me voi metter al possesso,
Cazzo, da farte scarparme da presso
Con un nembo de peggi e villania,

Forsi le mie deffese ve dirà
Che anche el cul è in quei membri, puol far Dio,
Che fa quel tutto che me havé donà.

E cusì, o che diré d'haver mentìo,
O ch'el procieder no ve passerà,
Perché quel che voleva giera mio.