Alla carissima sua nipote

Da Wikisource
EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Alla carissima sua nipote
la signora Margherita Goldoni Chiarussi
Carlo Goldoni
1782

 Edission original:   

"Tutte le opere" di Carlo Goldoni; a cura di Giuseppe Ortolani;
volume 13, seconda edizione; collezione: I classici Mondadori;
A. Mondadori editore; Milano, 1955

 Fonte:

http://www.liberliber.it/mediateca/libri/g/goldoni/componimenti_poetici/pdf/compon_p.pdf

Edission e fonte ▼
CAPITOLO


A la lettera vostra, in bon toscan,
Nezza, che ho sempre amà, come mia fia,
3Permettè che responda in venezian.

Da Venezia lontan tresento mia,
No passa un dì che no me vegna in mente
6El dolce nome de la Patria mia.

Xe vint'ani che manco, e gh'ho presente,
Come se fusse là, canali e strade,
9E el linguazo, e i costumi de la zente.

E m'arecordo tutte le contrade,
Dove l'ambulatorio genio mio
12Ha tante e tante abitazion scambiade.

Co stava in Salizada de San Lio,
Me piaseva parocchia e parocchiani,
15Zente arlevada col timor de Dio.

E bisogna che i sia boni cristiani,
Perché nostro Signor gh'ha destinà
18Un piovan che xe el specchio dei piovani.

Ve ringrazio d'avermene avisà,
E con vu me consolo che sia questo
21Quello che in matrimonio v'ha ligà,

Con mio estremo piacer, all'omo onesto
Che amo, che stimo, e se de più no digo,
24Xe perché lo cognosse assae modesto.

Ah nezza mia, son vecchio. Troppo antigo
Xe deventà el mio stil, e de le Muse
27No son più, come giera, el bon amigo.

Ma senza tante smorfie e tante scuse
Buto zo quatro versi, e quatro rime,
30E presto presto ve le mando incluse.

“Alto Signor, che dall'eterne cime
Tutto vedi e provvedi, e da cui parte
33Il primo moto delle cause prime,

La tua voce immortal che il ben comparte,
Di queste di Leon pecore elette
36Unì le voci separate e sparte;

Ed unissone tutte, e tutte accette,
Nomar RAVIZZA, e l'acclamar Pastore,
39Dal loro amor, dal tuo voler costrette.

RAVIZZA, in cui del par la mente, il cuore,
E gli abiti dal Ciel furo ordinati
42Per coltivar la vigna del Signore.

Direttore finor di delicati
Spirti claustrali, a preservare è eletto
45Dai tre nemici gli uomini insidiati.

Sparsa la Santa unzion di tetto in tetto,
Del tristo farà il buon, del buono il giusto,
48Dell'uman cuor conoscitor perfetto.

E nell'estremo dì, di palme onusto,
Alla testa de' popoli salvati,
51Diran gli angioli a Pietro: Il varco augusto

Aprite a lui, che ha i figli suoi scortati.”

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Alla_carissima_sua_nipote&oldid=50277"