Juto:Proofread

Da Wikisource

- Ajuto

La procedura proofread la xe na conponente fondamentale del sistema de qualità dei testi de Wikisource.

La permete la trascrission e sucessiva riletura dei testi a partir da le scansioni de l'edission cartacea, garantendo così che i testi de Wikisource i corisponda più che se pol al testo efetivamente publicà.

Sul Wikisource veneto la procedura proofread no la xe obligatoria, ma la xe fortemente consigliada. La xe doparà da na bona magioransa dei testi, racolti nela Categoria:Testi con scansion.

La se compone de vari passagi:

1) catar fora le scansioni del libro che se vol inserire su Wikisource. Tanti libri scansionà i se pol scaricar da Internet Archive, o su OPAL, o su Google Books o altri siti. Oppure se pol scansionar un libro personalmente. El formato preferibile el xe DJVU; in alternativa anca el formato PDF el xe acetabile. Su Internet Archive se pol cargar un PDF e automaticamente el vegnarà convertìo in DJVU nel giro de poche ore.
2) cargar le scansioni su Commons. Dopo aver catà fora el file, el va cargà su Wikimedia Commons, seguendo le istrussion che i te dise. Se racomanda de darghe al file un nome comprensibile, esenpio: Titolo_(Autore).djvu
3) crear la pagina Indice. A sto punto se torna qua su Wikisource e se crea una pagina dal titolo "Indice:Titolo_(Autore).djvu", compilando i campi che vegnarà fora. Ocio che l'Indice la ga da ciamarse uguale al nome del file! Quindi ad esenpio al File:Alghe della laguna.djvu corisponde l'Indice:Alghe della laguna.djvu (nota l'uso dei du prefissi File: e Indice:).
4) crear le Pagine. Da l'Indice, clicando sui nùmari dele pagine, se presenta una schermata dove se ga: a destra l'imagine scansionà dela pagina, a sinistra na casèla de testo (spesso zà contegnente na bona aprossimazion del testo vero e proprio). L'obietivo xe modificar el testo a sinistra in modo da farlo deventar più possibile corispondente a l'imagine sula destra. Quando se ga finìo, se pol segnar la pagina come "Trascrita" macando l'icona (o altra, vedi Ajuto:Qualità de le pagine) e salvar.
Notar che, come par gli Indici, tute ste pagine le ga senpre un nome che scominsia col prefisso "Pagina:", in altre parole le se cata nel cussì dito namespace Pagina (e gli Indice nel namespace Indice).
5) crear la pagina del testo. Dopo (o anca zà durante) che se gà creà le singole Pagine, và creà la pagina del Testo. I Testi i se distingue da le Pagine e dai Indici parché no i ga nessun prefisso davanti (se parla anca de namespace prinsipale o ns0). Ad esenpio par l'Indice:Alghe della laguna.djvu la pagina Testo la se ciama Alghe della laguna. In essa va trascluse le singole Pagine da mostrar, come se vede nel'esenpio.
Va dopo creà eventualmente le varie sotopagine par le sudivisioni interne del testo, esenpio Alghe della laguna/Al direttore (le sotopagine le se distingue par la presenza de uno o più carateri "/"). Al Testo ghe và assegnà una qualità, che no pol èssar superiore ala qualità de tute le pagine in esso trascluse.
6) riletura. Un secondo utente, diverso da chi gà creà le Pagine, el pol efetuar la riletura, cioè ricontrolarle par catar eventuali erori, e segnarle come rilete macando l'icona . Quando tute le Pagine de un Testo le xe stà rilete, se pol assegnar al Testo stesso lo status de Rileto.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Juto:Proofread&oldid=51204"