Juto:Namespace

Da Wikisource

- Ajuto

Le pagine de Wikisource le xe divise in diverse tipologie, ciamà namespace.

Nel titolo de ogni pagina, la parte prima dei due punti (":") la rapresenta el namespace: par esenpio la pagina che stè lezendo, cioè Ajuto:Namespace, la fa parte del namespace "Ajuto", mentre el titolo vero e proprio xe "Namespace".

Fa ecession el namespace prinsipale (dito anca namespace 0, scurtà in ns0), che no'l gà nissun prefisso.

A seconda del namespace, el software MediaWiki (che xe el "motor" de Wikisource) el tratta la pagina difarentemente, come spiegà soto.

I namespace ativà sul Wikisource veneto i xe (tra parentesi el nome inglese):

  • (prinsipale): qua se trova i testi, cioè le varie opere.
  • Utente (User): pagine personali dei utenti de Wikisource.
  • Wikisource: pagine dedicà al progeto Wikisource, che ghe ne spiega i obietivi e le linee guida, e alcune pagine particolari come Wikisource:Ciacole.
  • File: el contien file multimediali (imagini ed altro).
  • MediaWiki: pagine particolari doparà dal software MediaWiki (prinsipalmente le tradussion in veneto dei vari comandi e messagi del software MediaWiki).
  • Modèl (Template): i modèi i xe framenti de pagina fati par èssar riutilizà in altre pagine. I parmete ad esenpio de formatar un testo (centrarlo, farlo più grando, più picolo...) sensa ogni volta dover inserire tochi de codice HTML longhi e conplicà.
  • Ajuto (Help): pagine de ajuto che spiega come funsiona Wikisource.
  • Categoria (Category): le categorie le permete de catalogare i testi e le altre pagine secondo na strutura gerarchica a partire da Categoria:Categorie.
  • Autor (Author): pagine dedicà ai autori dei testi.
  • Pagina (Page): ogni pagina in sto namespace la rapresenta una pagina de un testo cartaceo, e la xe conpagnà da l'imagine scansionà de la pagina cartacea, secondo quanto prevede la procedura proofread.
  • Indice (Index): ogni Indice el corisponde ad un File che contien le scansioni de un libro. El fa da punto d'ingresso par navigar tra le Pagine.
  • Modulo (Module): pagine contegnente programi conplicà scriti in linguagio Lua, doparà par estendere le funsionalità del software MediaWiki.


Ogni namespace el ga po un so namespace colegà, el cui nome scominsia con Discussion, che el serve ai utenti per discutar de questioni relative al contenuto de le pagine. Par esenpio, par propore mejoramenti a la pagina Ajuto:Namespace, i utenti i pol scrivar un messagio sula pagina Discussion ajuto:Namespace.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Juto:Namespace&oldid=49979"