Ai Coniugi Giovio

Da Wikisource
 
Va a: navigasion, serca

<dc:title>Ai Coniugi Giovio</dc:title> <dc:creator opt:role="aut">Pietro Buratti</dc:creator> <dc:date>1817</dc:date> <dc:subject>Canzonete</dc:subject> <dc:rights><a href="http://creativecommons.org/licenses/by-sa/3.0/deed.it">CC BY-SA 3.0</a></dc:rights> <dc:rights><a href="http://www.gnu.org/copyleft/fdl.html">GFDL</a></dc:rights> <dc:relation>Indice:Collezione delle migliori opere scritte in dialetto veneziano 8.djvu</dc:relation> <dc:identifier>//vec.wikisource.org/w/index.php?title=Ai_Coniugi_Giovio&oldid=41257</dc:identifier> <dc:revisiondatestamp>20110303164717</dc:revisiondatestamp> //vec.wikisource.org/w/index.php?title=Ai_Coniugi_Giovio&oldid=41257 20110303164717

75%.svg
Sto testo el xe conpleto, ma el gà ancora da vegner rileto.
Ai Coniugi Giovio
1817
Varda anca El bouquet o sia mazzeto de Nicolò Priuli
[ 44 ]

AI
CONIUGI GIOVIO
NELL'ATTO DI PARTIR PER MILANO

CANZONE

Pindarum quisque studet emulari.
 Oraz.



Dito à un zorno Orazio Flaco:
No pol esser che un macaco
 3Chi vol Pindaro emular;

Del Dedaleo zovenoto
 El destin a tuti noto
 6L'è sicuro de incontrar.

Ma del morto, con permesso,
No go cuor de dir l'istesso,
9Mio Casteli, in fazza a ti.[1]

Dopo l'Ode spiritosa,
Che al poeta de Venosa
12Gaverìa costa dei dì.

Xe Casteli un mongibelo
Col se sente nel cervelo

[ 45 ]

15I so vovi sbazzegar;

Go l'è in moto, co l'è in balo;
Per lu poco xe un cavalo;
18Co do Pegasi el va su.
 
I poledri buta bava,
Ma de ambrosia co la fava
21Sempre alegri el li mantien,
 
Nè pericolo gh'è mai
Che corendo desperai
24I ghe toga e man e fren.

A l'Adriaco Automedonte
Deve ognun sbassar la fronte,
27Che un più bravo no se dà.

Sul to Ino, o Teresina,
Anca i posteri, divina,
30E imortal te adorerà.
 
Ma se al merito sublime
Aspirar no pol le rime
33D'un poeta dozinal,

Devio mo cazzarme in rio
Senza darghe un qualche adio
36A la copia coniugal?

Za per Giovio, onor de Pindo,
El fantastico Labindo[2]
39Novi serti ga in cantier.
 
Vetoreto, pien de fiori,[3]

[ 46 ]

Con patetici colori
42Darà prove de mistier.

Da i so longhi e cari afani
L'avocato Mantovani
45Vederemo respirar;

Anca el nostro Farmacopola[4]
Al mestier darà una scopola
48Per Teresa celebrar,

Chi à descrito el Ponte roto[5]
Spogierà quel so coroto
51Per le rose de l'amor;

E l'eroe che vien dal fredo[6]
A i trionfi de Gofredo
54Unirà quei de cantor;

Le minacie d'un mal cronico
Col favor de qualche tonico
57Streffi intanto sfanterà;[7]

E su quel che sarà in moda
La vernacola mia broda
60Nove buzere dirà.


Note a cura de Bartolommeo Gamba (1817)
  1. ↑ Spiridione Castelli che s'era distinto nell'occasione medesima con una bellissima Ode.
  2. ↑ Lo stesso Castelli.
  3. ↑ Il N. U. Vittore Benzon.
  4. ↑ Giuseppe Ancillo Chimico Farmacista e poeta vernacolo.
  5. ↑ Giuseppe Bombardini, nome caro alle Muse, e che ha mirabilmente descritto l'incendio del Ponte di Bassano sua patria.
  6. ↑ Il Cav. Menegaldo seguace di Marte e di Apollo.
  7. ↑ Streffi gentile poeta berniesco.
Cavà fora da "http://vec.wikisource.org/w/index.php?title=Ai_Coniugi_Giovio&oldid=41257"